Subscribe:

Ads 468x60px

WAANDISHI WA HABARI ZA UTALII KUNOLEWA


Journo Tourism ‘kufunda’ wanahabari
Na Mwandishi wetu –Serengeti
Februari 17,2013.

CHAMA cha Waandishi wa Habari za Maliasili na Utalii Tanzania (Journo
Tourism), kimeandaa mafunzo kwa waandishi wa habari nchini
yatakayofanyika wilaya ya Serengeti mkoani Mara mwishoni mwa mwezi
huu.

Katibu Mkuu wa Chama hicho, Julius Magodi amewaambia waandishi wa habari kuwa  mafunzo hayo yanatarajiwa   kuanza Februaria 25 hadi 28 mwaka huu mjini Mugumu.

Amesema  lengo la kutoa mafunzo hayo ni kuwaongezea wanahabari uwezo
wa kuandika habari za maliasili na utalii kwa usafaha zaidi, kuzilinda
na kufichua hujuma, ambazo zinakwamisha maendeleo ya sekta ya utalii
nchini.

Pia waweze kupata uwezo  wa kuandika kwa kina habari zinazohusu
utalii na vivutio vyake pamoja na maliasili za taifa.

Aliongeza kuwa Journo Tourism, kimedhamiria kuwapika waandishi wa
habari, wawe chachu ya kutangaza utalii ndani na nje ya nchi, ili
kukuza utalii na mchango wa sekta hiyo katika pato la taifa.

Magodi alifafanua kwamba waandishi wa habari kupitia taaluma yao wana
jukumu kubwa la kulinda maliasili na kuvitangaza vivutio vya utalii
vilivyopo na vile ambavyo havifahamiki, hatua ambayo licha ya kukuza
uchumi wa taifa, itasaidia pia kuzalisha nafasi za ajira hasa kwa
vijana.

Magodi amesema mafunzo hayo yataendeshwa na baadhi ya wadau wa utalii
nchini, ambao watatoa mada mbalimbali kwa washiriki.
Naye Mkurugenzi wa Mawasiliano wa shirika hilo Anthony Mayunga alibainisha kuwa maandalizi ya mafunzo hayo yanaendelea vizuri na kuwa tayari wataalam kutoka Tanapa,Bodi ya Utalii Tanzania,Mamlaka ya hifadhi ya Ngorongoro,Frankfurt Zoological Society(FZS)Mawalla ,Singita Grumeti wanatarajiwa kushiriki kwa kutoa mada.
“Lengo la kuwaleta wataalam hao ni kusaidia waandishi kutofautisha Tanapa,Mamlaka ya Ngorongoro,Mapori ya akiba na Hifadhi za jamii(WMA)ingawa wote wanahifadhi lakini wanaongozwa kwa sheria na kanuni tofauti…itawasaidia kujua na kuandika habari kwa usahihi”alisema.
Alisema waandishi hao watatoka maeneo mbalimbali ya nchi kwa kuwa shirika hilo ni la kitaifa na watapata siku ya kuzuru moja ya hifadhi baada ya mafunzo ili kujifunza kwa vitendo.
Mwisho.

Mwisho.

WAANDISHI WA HABARI ZA UTALII KUNOLEWA


Journo Tourism ‘kufunda’ wanahabari
Na Mwandishi wetu –Serengeti
Februari 17,2013.

CHAMA cha Waandishi wa Habari za Maliasili na Utalii Tanzania (Journo
Tourism), kimeandaa mafunzo kwa waandishi wa habari nchini
yatakayofanyika wilaya ya Serengeti mkoani Mara mwishoni mwa mwezi
huu.

Katibu Mkuu wa Chama hicho, Julius Magodi amewaambia waandishi wa habari kuwa  mafunzo hayo yanatarajiwa   kuanza Februaria 25 hadi 28 mwaka huu mjini Mugumu.

Amesema  lengo la kutoa mafunzo hayo ni kuwaongezea wanahabari uwezo
wa kuandika habari za maliasili na utalii kwa usafaha zaidi, kuzilinda
na kufichua hujuma, ambazo zinakwamisha maendeleo ya sekta ya utalii
nchini.

Pia waweze kupata uwezo  wa kuandika kwa kina habari zinazohusu
utalii na vivutio vyake pamoja na maliasili za taifa.

Aliongeza kuwa Journo Tourism, kimedhamiria kuwapika waandishi wa
habari, wawe chachu ya kutangaza utalii ndani na nje ya nchi, ili
kukuza utalii na mchango wa sekta hiyo katika pato la taifa.

Magodi alifafanua kwamba waandishi wa habari kupitia taaluma yao wana
jukumu kubwa la kulinda maliasili na kuvitangaza vivutio vya utalii
vilivyopo na vile ambavyo havifahamiki, hatua ambayo licha ya kukuza
uchumi wa taifa, itasaidia pia kuzalisha nafasi za ajira hasa kwa
vijana.

Magodi amesema mafunzo hayo yataendeshwa na baadhi ya wadau wa utalii
nchini, ambao watatoa mada mbalimbali kwa washiriki.

Naye Mkurugenzi wa Mawasiliano wa shirika hilo Anthony Mayunga alibainisha kuwa maandalizi ya mafunzo hayo yanaendelea vizuri na kuwa tayari wataalam kutoka Tanapa,Bodi ya Utalii Tanzania,Mamlaka ya hifadhi ya Ngorongoro,Frankfurt Zoological Society(FZS)Mawalla ,Singita Grumeti wanatarajiwa kushiriki kwa kutoa mada.

“Lengo la kuwaleta wataalam hao ni kusaidia waandishi kutofautisha Tanapa,Mamlaka ya Ngorongoro,Mapori ya akiba na Hifadhi za jamii(WMA)ingawa wote wanahifadhi lakini wanaongozwa kwa sheria na kanuni tofauti…itawasaidia kujua na kuandika habari kwa usahihi”alisema.

Alisema waandishi hao watatoka maeneo mbalimbali ya nchi kwa kuwa shirika hilo ni la kitaifa na watapata siku ya kuzuru moja ya hifadhi baada ya mafunzo ili kujifunza kwa vitendo.
Mwisho.

Mwisho.

VIWANJA 250 SERENGETI MMILIKI HAJULIKANI


MMILIKI WA VIWANJA  250 HAJULIKANI SERENGETI..
Februari 17,2013.
KAMATI ya ardhi wilaya ya Serengeti haina viwanja vya kugawa kutokana na halmashauri kutokuwa na uwezo wa kutunza maeneo na kuyafanyia mpango wa kuyapima kutokana na ukata unaoikabili idara ya ardhi.
Kutokana na ukata huo wakazi wengi wa mji wa Mugumu wamejimilikisha maeneo kinyamera  ama wengine wanagawiwakinyume cha utaratibu  na wataalam wa idara hiyo na kupelekea kukithiri kwa migogoro ya ardhi.
Kwa mjibu wa Taarifa ya afisa ardhi wilaya Orwaka Nyamususa kwa baraza la madiwani wa halmashauri hiyo amebainisha kuwa vitalu J na K katika maeneo ya Magereza na Matare viwanja vina milikiwa kimila na wananchi ikiwa ni kinyume cha utaratibu.
Na kuwa serikali ilipaswa kuvitambua na kwa msingi huo haipati kodi ya ardhi ,na kikubwa ni kuwa hawana vifaa vya kupimia kama darubini ya kisasa ili wazalishe viwanja na matokeo ni ujenzi holela katika maeneo ambayo hayajapimwa.
“Halmashauri haina takwimu sahihi kuhusu kodi kwa mwaka…viwanja vyenye kumb.932 kitalu A,B,C,D,E,F,G,H,J,na K viwanja 250 kitalu A-G mmiliki wake hajulikani…vingine hakuna takwimu sahihi kodi wanayotakiwa kulipwa wala ukubwa wa viwanja”amebainisha.
Na kuwa kumbukumbu zinazotakiwa ni kubaini viwanja vilivyopimwa,andaliwa,hati miliki,barua za toleo,visivyoendelezwa,waliokiuka masharti ya uendelezaji,zinazolipiwa kodi ,zisizolipiwa ,maeneo hatari kwa makazi ,zenye mashauri mahakamani na migogoro ya umiliki.
Pia miliki zilizotolewa kituo cha uwekezaji(TIC)mashamba yaliyopimwa,hati miliki za kimila yaliyohaulishwa na kimilikishwa au yaliyotelekezwa.
Pamoja na kuwa na mchakato wa kuifanya mamlaka ya mji mdogo kuwa mamlaka maeneo mengi ya wazi yanavamiwa na kugeuzwa makazi kinyamera na wanaoongoza mchezo huo ni viongozi wa serikali hali ambayo inadaiwa kuchangiwa pia na idara hiyo ya ardhi.
Aidha inadaiwa kuwa watalaam wa idara hiyo wamejimilikisha viwanja vingi kinyamera ambavyo huvitumia kwa kuuza kwa watu na hiyo inachangia kutokuwepo kwa kumbukumbu sahihi za wamilikaji wa baadhi ya viwanja .
Licha ya kutambua matatizo hayo ambayo yanapelekea kukithiri kwa migogoro baadhi ya watumishi wanaohusika wanalindwa na baadhi ya madiwani kwa misingi ya ukabila ,na hatua huchukuliwa haraka kwa wale ambao si wazawa wa wilaya hiyo wanapobainika kukosea ,lakini kwa wazawa hulindwa na matokeo yake halmashauri hiyo inashitakiwa katika mabaraza ya ardhi na wananchi.
Mwisho.

NDOO AMBAPO BAADA YA KUJIFUNGUA ALIMUUA MTOTO NA KUMTUMBUKIZA KISHA AKAFUNIKA

MTOTO HUYO ALIZALIWA MZIMA NA AFYA TELE LAKINI MAMA YAKE AKAAMUA KUMKATILI KWA KUMUUA
ANNA CHACHA AMA KURWA SELE MKAZI WA MTAA WA BOMANENGETII MJINI MUGUMU WILAYANI SER AMBAYE AMEHITIMU KIDATO CHA NNE NATTA SEKONDARI 2012 AKIWA MJAZMITO NA BAADA YA KUJIFUNGUA AKAMUUA MWANAE NA KUMTUMBUKIZA NDANI YA NDOO LAKINI PAMOJA NA KUKIRI MBELE YA JAMII NA POLISI INADAIWA WALIMWACHIA BAADA YA NDUGU ZAKE KUWAKATIA RUSHWA HATUA AMBAYO INAPIGIWA KELELE  NA WANANCHI

VIVUTIO VYA TANZANIA VYAONGOZA

MIONGONI MWA BURUDANI ZILIZOPAMBA SIKU YA KUTANGAZA VIVUTIO VYA MAAJABU SABA YA AFRIKA VILIVYOSHINDA HOTEL YA MOUNT MERU ARUSHA

BAADHI YA WAGENI WALIOHUDHURIA WAKIWEMO MABALOZI KUTOKA NCHI MBALIMBALI

MIZIKI YA BAKURUTU ILIWAINUA WATU VITINI WAKIWEMO WAZEE WA ZAMANI WAKIONGOZWA NA JAMES LEMBELI MBUNGE WA JIMBO LA KAMAHA NA MWENYEKITI WA KAMATI YA ARDHI ,MALIASILI NA MAZINGIRA

WAZIRI MKUU MIZENGO PINDA,WAZIRI WA MALIASILI NA UTALII WA UGANDA,WAZIRI WA MALIASILI NA UTALII WA TANZANIA BALOZI KHAMISI KAGASHEKI NA RAIS WA KAMPUNI YA AFRICAN WONDERS WAANDAJI WA MASHINDANO HAYO DR IMLER WAKIFUATILIA BURUDANI

MKURUGENZI WA TANAPA ALLAN KIJAZI AKIWA AMEONYESHA TUZO MAALUM YA USHINDI WA HIFADHI YA TAIFA YA SERENGETI AMBAYO ILIPIGIWA  KURA NYINGI SANA

MKURUGENZI MKUU WA TANAPA ALLAN KIJAZI MARA BAADA YA KUPOKEA HATI MAALUM YA USHINDI WA HIFADHI YA MLIMA KILIMANJARO WENGINE NI WAZIRI MKUU PINDA,WAZIRI WA UTALII UGANDA,RAIS WA KAMPUNI ILIYOANDAA MASHINDANO HAYO DR IMLER
WAZIRI KAGASHEKI AKITETA JAMBO NA DR IMLER

Bonde la Ngorongoro huvuta watalii wengi

watalii wakiangalia wanyama na vivutio vingine kama uoto wa asili na ndege ndani bonde la Ngorongoro

majambazi yadaiwa kuua mwangalizi wa shamba la Nyanza Road



MAUAJI
Mnamo tarehe 01.12.2012 majira ya saa 00.30 hrs huko Kampuni ya Nyanza road katika kijiji cha Nyatwali kata ya kunzugu, Tarafa ya Serengeti, Wilaya ya Bunda Mkoa wa Mara Mtu mmoja aitwaye ROHITA  GANTIRALALL  umri 20yrs, msimamizi wa shamba, aliuwawa kwa kupigwa risasi chini ya kidevu na majambazi ambao waliiba simu yake ya mkononi aina ya NOKIA. Majambazi hao waliokuwa takribani sita (6) kabla ya tukio hili walifyatua risasi hewani na kuvunja mlango wa nyumba kwa kutumia jiwe kubwa maarufu kama “Fatuma”. Walimshambulia PATEL VISHAL VINUBHAI na kumjeruhi usoni, kichwani, na mkono wa kulia kwa kutumia nondo kasha kumpora fedha taslimu Tshs. 500,000/= na US DOLLAR 600 pamoja na simu mbili, JAGINAL  NARAM Umri 23yrs, msimamizi wa shamba alijeruhiwa kichwani, usoni kwa kutumia npondo na kuporwa simu – Sum sung, VINUDI  RAMJI Umri 45yrs, msimamizi wa shamba alipigwa sehemu mbalimbali za mwili na kuporwa simu moja aina ya NOKIA. PATEL  VISHAL  VINUBAL alilazimishwa atoe fedha za mishahara nae kwa kujitetea aliwaeleza fedha ziko ofisini ambako ni kilometa moja toka wanapoishi. Wakiwa njiani kuelekea kwenye ofisi hiyo waliona Askari Polisi, wakamwachia na kutokomea gizani. Uchunguzi na ufuatiliaji wa kina umeanza kufanyika. Wito yeyote anayekusudia kusafirisha fedha kiwango kikubwa aombe ulinzi wa Polisi wenye  silaha.


ABSALOM  A. MWAKYOMA – S.A.C.P
KAMANDA WA POLISI ‘M’ MARA, MUSOMA

askari Senapa waua jangili na kukamata bunduki smg AK47 risasi 258


ASKARI SENAPA WAUA JANGILI,WAKAMATA BUNDUKI SMG AK 47 ,RISASI 258.
Na Mwandishi wetu-Serengeti.
Novemba 30,2012.

ASKARI wa hifadhi ya Taifa ya Serengeti wamefanikiwa kumuua mtuhumiwa mmoja wa ujangili ,kukamata silaha ya kivita aina ya Smg AK 47,risasi258 , meno mawili ya tembo na msumeno wa kukatia meno ya tembo na shoka.

Tukio limethibitishwa na kamanda wa polisi mkoa wa Mara Absalom Mwakyoma linadaiwa kutokea novemba 29,majira ya saa 12;30 jioni katika eneo la Itaro ndani ya hifadhi ya Taifa ya Serengeti,eneo ambalo kumewekwa Faru waliotolewa Afrika Kusini,maarufu kama Faru wa JK.

Alisema aliyeuawa hajafamika ingawa anakisiwa kuwa na umri kati ya miaka 27,33 na kuwa katika majibizano hayo alipigwa risasi mguu wa kulia iliyopelekea kufa na wenzake wanakisiwa kuwa wanne kukimbia ,na hakuna aliyekamatwa kutokana na tukio hilo.

Habari za uhakika kutoka eneo la tukio zinadai kuwa askari wa hifadhi hiyo wakiwa doria walisikia milio ya bunduki na kufuatilia walikuta kundi kubwa la majangili wanaokadiriwa kufikia watano  wakiwa na silaha za kivita wameishaua tembo mmoja na wametoa meno.

“Walianza kutushambulia kwa risasi,kukatokea majibizano makali yaliyochukua muda ambayo yanaonyesha kuwa walikuwa na risasi za kutosha kwa kuwa walikuwa na silaha za kivita,mmoja akawa amepigwa risasi na kuanguka …wenzake walipoona hivyo wakakimbia mmoja akiwa na bunduki,”kulisema chanzo kimoja cha uhakika.


“Maiti hiyo imehifadhiwa katika chumba cha maiti hospitali teule ya Nyerere ddh,haijatambuliwa ,inaonekana si mtu wa maeneo haya hali ambayo inaonyesha ukubwa wa mtandao huo kutoka mikoa mbalimbali kwa kushirikiana na wenyeji wa maeneo,kasi yao kuingia inakwenda sambamba na uingizaji silaha kutoka mikoa iliyoko pembezoni mwa mipaka ya nchi jilani”kilisema chanzo hicho.

Mganga mkuu wa Hospitali hiyo dk,Kelvin Mwasha amethibitisha kupokelewa kwa mwili wa marehemu huyo”amefikishwa hapa usiku wa manane na ameletwa na askari polisi…hawajaja polisi kwa ajili ya uchunguzi,tunawasubiri maana hatuwezi kusema kilichosababisha kifo bila kufanya uchunguzi”alisema daktari.

Mtandao wa ujangili ambao umesambaa hifadhi za taifa ,mapori ya akiba na maeneo ya wazi unadaiwa kufadhiliwa na wafanya biashara wakubwa wa ndani na nje ya nchi ambao wanahusishwa kuwa na ushirikiano wa karibu na baadhi ya watendaji wa jeshi la polisi,mahakama,maliasili ,uhamiaji na ofisi za wanasheria wa serikali na Tra.

Uhusiano huo huwawezesha kusafirisha shehena za meno ya tembo kwa kupita mipakani,bandarini,na kupeleka nje ya nchi,kasi hiyo ikienda sambamba na uingizaji wa silaha za kivita kwa ajili ya kazi hiyo.

Wakati huo huo mtu mmoja ambaye hajatambuliwa aliuawa na wananchi baada ya kukutwa akiiba mabati kwenye jengo la mtu aliyejulikana kwa jina Jumanne Kagosi katika kijiji cha Kwangwa kata ya Kigera Manispaa ya Musoma.

Kamanda Mwakyoma amesema tukio hilo limetokea novemba 29,majira ya saa 10 jioni mwaka huu na kuwa wananchi waliamua kuchukua sheria mkononi na kumpiga hadi kufa ,na kuomba wananchi wasijichukulie sheria mkononi badala yake wafikishwe kwenye vyombo husika.

Mwisho.