“Aliambiwa akimuua ndama aliyekuwa ana mpiga atakula
nyama yake mbichi,
Novemba 24,2013
Serengeti:
JULIANA
MARWA(14)mkazi wa kijiji cha nyamakendo
katika wilaya ya serengeti mkoani mara amejinyonga hadi kufa kwa kutumia kamba ya katani baada
ya kutishiwa na baba yake mzazi kuwa akimuua ndama aliyekuwa anampiga atakula
nyama yake mbichi.
Tukio hilo
ambalo limeacha maswali mengi kwa wananchi limethibitishwa na diwani wa kata hiyo
Samweli Gibewa na polisi wilayani kuwa limetokea mwanzoni mwa mwezi huu katika
kitongoji cha Bwisabuka kijijini hapo.
Alisema siku ya
tukio majira ya saa 12.00 jioni msichana huyo akiwa anakamua maziwa ndama
alikuwa anamsumbua kwa kutaka kunyonya ndipo akaanza kumpiga ,kitendo
kilichomuudhi baba yake na kumtolea maneno kuwa
akifa atamla mbichi,kauli inayodaiwa kumuudhi na kuamua kwenda
kunjinyonga.
“Alikutwa ndani
ya shamba la mihogo mita 100 kutoka nyumbani kwao majira ya saa 1:00 asubuhi
kesho yake kwa kuwa baada ya kugombezwa alitoweka kwao….Mama yake alipokwenda
shambani kupalilia ndipo akamkuta ana ning’inia ameishakata roho na kulazimika
kupiga kelele kuomba msaada”alisema diwani.
Mama mzazi wa
marehemu Mugosi Marwa akielezea tukio
hilo alidai kuwa baada ya binti huyo kutoelewana na baba yake alitoweka
nyumbani majira ya usiku wakidhani
ameenda kulala kwa bibi yake ambaye
wanaishi jirani hivyo hawakuwa na sababu ya kumfuatilia wakijua kuwa atarudi
asubuhi mwenyewe kinyume chake akaenda kujinyonga.
Hata hivyo Marehemu
hakuacha ujumbe wowote kuhusiana na uamzi wake wa kujinyonga ,jeshi la polisi linaendelea
na uchunguzi kuhusiana na tukio
hilo baada ya kuhoji familia akiwemo
baba mzazi Marwa Mwita Yahara.
Mwisho.
